Се што сте сакале да знаете за сексот а не сте се осмелиле да прашате

1. Кога имав шест или седум години ми го вадеа третиот крајник. Се враќам јас после 2-3 дена од болница кога моите ми купиле мини верзија на флипер. Онака баш пинбол со Химен на екранот. Радости!

2. Дедо ми беше шофер во градски и така се возам јас како мал, седнат напред до шофершајбна. Пред да се исклучи од линија 45ка и да го носи автобусот во гаража одиме на последна во Сингелиќ и купуваме по еден шејк. Боровница со сладолед од автомат. Само тогаш ние си го викавме шеик. Ќе пиеме по еден шеик? Може!

3. Кога имав 14 години го гледав за прв пат филмот Исус од Назарет. Тоа беше прв пат да го пуштат на телевизија за Велигден. Во третиот или четвртиот дел се трудев да не заплачам зашто мајка ми беше во соба а нели во Македонија е срамота да плачеш ако си машко. Откако го гледав филмот решив да го следам Исус Христос и тоа го правам и до ден денес.

4. Пред некои 4 години се враќав од далечен пат и бев во автобус што доаѓаше од Белград. Автобусот пристигна на скопските улици и беше некаде околу 12 п.м. кога застана спроти стара железничка. Срцето ми чукаше многу брзо. Таму ме чекаше една убава девојка. И мила...

5. Пред некоја вечер месечината стана црвена. Сигурно живееме во последните времиња.

Веќе помина доста време од ова со штафетата па така му ја предавам на секој што сака да напише 5 работи за себе.