Friday, July 01, 2011

Не можеш да ја украдеш месечината

Рјокан, зенистички учител, живеел наједноставен живот во мала колиба на подножјето на планината. Една вечер во колибата влегол еден крадец, само за да се увери дека во неа нема ништо што би можело да се украде.
Рјокан се вратил и го фатил на дело. "Сигурно долго си патувал за да дојдеш кај мене", му рекол на својот непоканет гостин, "затоа не би било добро да си заминеш со празни раце. Те молам, дозволи ми барем да ти ги подарам своите алишта".
Крадецот се зачудил. Ги зграпчил алиштата и избегал.
Рјокан седел гол гледајќи ја месечината. "Кутриот човек", помислил во себе, "о, да можев, ќе му ја подарев оваа прекрасна месечина".

(Преземено од "101 зен приказна")

No comments: